धादिङ । नेपाल फुलकन्ट्याक कराँते महासंघले धादिङमा आफ्नो जिल्ला समिति गठन गरेको छ । आइतबार सम्पन्न विशेष भेलाले सर्वसम्मत सहमतिको आधारमा १३ सदस्यीय नेतृत्व चयन गरेको हो ।
समितिको गठन कार्यक्रम बागमती प्रदेश संयोजक धनबहादुर तामाङको अध्यक्षतामा सम्पन्न भएको थियो । कार्यक्रममा धादिङ जिल्ला खेलकुद विकास समितिका अध्यक्ष प्रतापसिंह तामाङ प्रमुख अतिथि रहनु भएको थियो भने महासंघका केन्द्रीय प्रतिनिधि राजिव खड्का विशेष अतिथिको रूपमा सहभागी हुनुभएको थियो ।
१३ सदस्यीय जिल्ला कार्यसमिति:
अध्यक्ष - सुमन अधिकारी
उपाध्यक्ष - नीरकमल थापा
उपाध्यक्ष - शिशिर तामाङ
सचिव - पवन मगर
सहसचिव - सुप्रिया तामाङ
कोषाध्यक्ष - हरिकुमार श्रेष्ठ
सदस्यहरु - रामशरण बिक, अभिषेक तामाङ, प्रणब धमला, अभियान त्रीपाठी, ध्रुव सापकोटा, शिशिर गुरुङ र भिमबहादुर गुरुङ
वक्ताहरूले कराँते खेलको शारीरिक मात्र नभई मानसिक विकासमा पनि महत्वपूर्ण योगदान हुने बताएका थिए । उनीहरूले जिल्लास्तरबाटै अन्तर्राष्ट्रिय स्तरका खेलाडी उत्पादन गर्न सकिने भएकाले नयाँ नेतृत्वले अझ जिम्मेवारीपूर्वक काम गर्नुपर्नेमा जोड दिए ।
